Bruederhahn

Mir gä em Brueder ou ä Chance!

Uf üsem Hof stöh mir fürnä konsequänti Tierhautig i und sträbe ds höchscht mügleche Tierwou a! Zur Tierproduktion ghört immer o die ethnischi Verantwortig und schlussändlech o e Schlachtig drzue. Das übernähme mir für Euich - Für 'ne Eier-Gnuss mit guetem Gwüsse!

Damit mir Euich die beschti Transparänz chöi biete, informierä mir nachfougend über üsi Bruederhähn, z brancheübläche Bibili-Vergase und die nöie Eier-Priise.

Üsi Henne hei ä läbende Brueder

Für jedi Legehenne wird uf üsem Hof es männlächs Bibili grosszoge, aus Bruederhahn gmeschtet u so vor dr sinnlose Vergasig am erschte Läbenstag grettet.

Bruederhähn vo Legerasse bruche dütläch lenger bis si gschlachtet chöi wärde. Darum muess d'Ufzucht über d'Eier querfinaziert wärde. Für das Engagement isch im Eierpriis bereits e Ufschlag vo 5 Rappe igrächnet. D'Rächnig sig eifach: Isst e Familie 5 Eier pro Wuche, muess diä Familie jährlich ei Bruederhahn ässe...

Z'Fleisch vom Bruederhahn cha bi üs grad im Netz bsteut wärde.

ab ga kömmerle

Das darf nümme si!!

Hahn oder Henne? Diä Frag isch bishär für die meischte früsch gschlüpfte Bibili e Frag gsy zum Überläbe, wüu die männläche Bibili vo de Legehennä wärde normalerwiis ke Tag aut:

Sie setze im Verhäutnis zur Fuettermängi zweni Fleisch a, so dass d'Mascht aus ökonomisch nid verträtbar beurteilt worde isch. So si di männläche Bibili zum Abfauprodukt vor Eierproduktion worde.

Bishär ghört dr Eierkonsum und z'Vergase vo de männliche Bibili am erschte Läbenstag untrennbar zäme. MIR SÄGE NEI UND SETZE DÄM ÄS ÄNDI.

Nöii Eier-Priise: 65 Rappe pro Ei statt wie bishär 60 Rappe - damit ou dr Brueder ä Chance het.

Üsi Website verwändet Cookies
Iverstange