üsi Tier

Turopolje Sou

Üser Söi (kroatischi Landsöi) si z'ganze Jahr dusse im Freie. Si hei ä schön grosse Platz zum versoue. Si kennä z Wort "Stau" nid u si wärde ou nid mit Mastfuetter gfuetteret.

Wiss-u Blauwiener

Mit üsne Wiss- u Blauwiener Rassechüngle näme mir regumässig ade Chünguusstellige teil. Für si heimer grossi Stäu wosi gnue Platz hei. Bis i spät Herbscht ine bechömesi früsches Gras.

Ross, Pony u Eseli

Näbschter Freilouf-Box isch ä grossi Weid für üsi Pferdegattig vorhande.

Hüehner

T'Hüehner wohne im fahrbare Hüehnerhüsli und ufere grossä Grüenflächi. Tagtäglech legesi unger dr stränge Ufsicht vom Fernandez (Güggu) feini Eier.

Wachteli

Im Wachtustau gömer au Tag uft Suechi nachdä Wachtueier. Mä mues guet luege, t Eier si de mängisch cheibe guet unger dä Tanneeschtli versteckt.

Bruederhahn

Brüetsche vode Henne chömä aus 1-Tages-Bibili zu üs. Si hei ä eigetä Güggustau und dörfä ou ufdr Weid ume chräie.

Pfauä-Geissä

Ufnä tierfründlächä Hof ghörä natürläch ou frächi Geissä!

Trute

Mir überchömä Trute im Auter vo sächs Wuche. Sisi sehr nöigierig u ä gueti Alarmalag für üse Betrieb. Si wärdä imnä grossä Stau mit Uslouf ghautä.

Casimir (Moudi) & Lucy

Dr Casi isch natürlech dr Chönig vom Hof. Är weiss über aui und aues beschtens Bscheid, är begleitet üs ja schliessläch ou dr ganz Tag. We är sich mau ä Pouse gönnt, ischer meischtens ufdr Bühni azträffe. Mir heis ihm z verdanke, dass mir je nach Saison mau meh u mau weinger Müüs zu üsnä Hoftier dörfä zeuä.

Z Lucy isch üs zuche gloffe. Si liebts, ufdä Ross z liege u mit ihne äs Ründeli z mache (Foto fougt).

Ty (Boxer)

Dr Ty isch äbä no ä Wachhund! Äs chunnt niemmer a ihm vrbii, ohni hurti hallo z säge, chli strichele u am liebste dr Buch chräbele.
Är isch für sis Auter no sehr aktiv u fit u het eifach aui Zwöi- u Vierbeiner wahnsinnig gärn.